گەدەی مرۆڤ لە ناوەنددایە، فەرموودەکەش ئەفەرموێت خراپترین دەفرێ کە مرۆڤ پڕی بکات سکیەتی، چونکە ھەرکەس گەدەی پڕ کرد ئیتر لە پەلوپۆ دەکەوێ، چونکە زۆربەی خواردنی دڵ کە لە رێی خوێنەوە دەگوازرێتەوە، ھەروەھا زۆربەی ئۆکسجینی دڵ کە لە رێی خوێنەوە ئەگوازرێتەوە، گەدە پێیەوە سەرقاڵ دەبێت،  ھەر کەمخواردنێ وا دەکات بەشێکی بەرچاوی خوێن بمێنێتەوەو بۆ بەشێکی تری جەستە سوودی لێ وەربگیرێت و سەرقاڵ نەکرێت بە گەدەوە، بۆیە زانایانی پێشوو کاتێک ویستبێتیان کێشەیەکی گەورە چارەسەر بکەن، خۆیان برسی کردووە، ھەرچەندە ئەمڕۆ ئێمە ھەڵە تێگەیشتوین، بۆ نموونە قوتابی لە کاتی تاقیکردنەوەدا بۆ بیانوویەک ئەگەڕێت بەڕۆژوو نەبێت بە بیانووی ئەوەی سەعی ھەیە، لە کاتێکدا برسی بوون باشترە بۆی و ئەو خوێنەی بۆ گەدە و ھەرسکردن بەکاری دێنێت، بەکاری دێنێت بۆ سەعی کردن و تێگەیشتنەکەی.