لە خواردنەكانی پێغەمبەردا (صلی الله علیە وسلم) زۆر رەچاوی جۆگەی هەرس كراوە، بەسوود بون بۆ كۆڵۆن و هەرسكردن، خواردنی نەرم و پاراو بون، كەمی خواردووە بۆ ئەوەی قەبزیی تووش نەبێت، هەر خواردنێكیش قەبزی بەدواوە بێت و خواردبێتی، خواردنێكی تری نەرمی لەگەڵ خواردووە كە چارەسەری ئەوی تریان بكات، ئەمە هۆكار بووە هەرس ئاسان بێت و خێرا وزەی پێویست وەرگیرێت و پاشەڕۆش لە جەستەدا نەمێنێتەوە، بۆیە هاوەلآن ورگیان نەبووەو ورگزلی باوی ناو كۆمەڵگەی ئیسلامی نەبووە.

خواردنەكان پاككەرەوەی جگەر بون، مرۆڤیان دوورگرتووە لە نیشتنی چەوری سەر جگەر و بەردی زراو، بەڵكو بە گشتی خواردنەكان چەوریەكانی ناو لەشیان دابەزاندون، ئەمەش هۆكار بووە بۆ بەرگرتن بە زەبحە و جەڵدە و ئازاری سنگ و رەقبوونی ماسوولكەكان و پەستانی خوێن.