پێغەمبەر (صلی الله علیە وسلم) گرنگی بە هەندێ خواردن داوە كە ئاسان بەردەست دەكەون و زۆرترین سوود و زیاترین وزە دەبەخشن بە لەش، وەك: خورما، حەڵوا، هەنگوین، شیر، سركە، ئەمانە زۆربەی پێكهاتە پێویستەكانی لەشیان تێدایە، هەروەها وزەیەكی زۆر بە مرۆڤ دەبەخشن بۆ جووڵە رۆژانە، پاشان هەندێ خواردنی تری خواردووە كە تەواوكەر بون بۆ ئەمانە، وەك: شووتی، ترۆزی، شەربەتی مێوژ.

هەروەها پێغەمبەر (صلی الله علیە وسلم) شتێكی خواردووە كە لە هەنگاوی یەكەمەوە بۆ خۆپاراستن بووە نەوەك بۆ چارەسەر، ئەوانەی بۆ چارەسەر بەكاری هێناون، ئەوانەمان لێرەدا باس نەكردون، چونكە ئەوە بۆ سیستمی چارەسەر دانراون و پشتیوان بە خوا بە جیا باسیان دەكەین، بۆ نموونە قیستی هیندی.