پێغەمبەر (صلی الله علیە وسلم) بە بەرنامە شتی خواردووەو هەر لەخۆوە نەبووە، بەڵكو وەك سەرەتا وتمان وەك چۆن پێغەمبەری خوا (صلی الله علیە وسلم) لە خۆیەوە هیچی نەفەرمووەو هەرچیەكی فەرمووە فەرمان ورێنمایی خوای گەورە بووە، بە هەمان شێوە بەرنامەی خواردنیشی بە رێنمایی خوای گەورە بووە، خوای گەورەش خۆی بەدیهێنەری مرۆڤەو شارەزاترە بە پێكهاتەی مرۆڤ و چاك و چاكترین دەزانێت و چاكترینیش بۆ پێغەمبەرەكەی هەڵدەبژێرێت.

هەروەها پێغەمبەر (صلی الله علیە وسلم) بە پێی پێویستی شتی خواردووەو ئەوەی زیادە و ناپێویست بووە نەیخواردووە، هەروەها شتێكی خواردووە كە بۆ لەش پێویست بووە، نەوەك مەسەلەكە تەنها حەز و چێژ بێت، واتە هەرچیەكی خواردووە، پێویستی جەستە بووە.