خواردنی پێغەمبەر (صلی الله علیە وسلم) هاوسەنگ بووە، خووی نەداوەتە یەك جۆر خواردن و خۆی لە هەندێ خواردنی تر بێبەش بكات، خەڵكانێ هەن بە بیانووی جۆراوجۆر خۆیان لە هەندێ بەخشش بێبەش دەكەن، كەسانێ هەن دەڵێن ئێمە رووەكخۆرین و گۆشت ناخۆین، كەسانێ هەن زیاتر خوویان داوەتە گۆشت، بەڵام ئێمە خوو ئەدەینە بەرنامەكەی پێغەمبەر (صلی الله علیە وسلم) كە بێبەش نەبوونە لە هەمەچەشنەی بەرهەمە حەلآڵەكان.

خواردنی پێغەمبەری خوا (صلی الله علیە وسلم) لای ئێمە ستاندارە و وەك كوالیتی كۆنتڕۆڵ وایە بۆمان، ئەگەر خواردنێ بەو كوالیتی كۆنترۆڵەدا تێپەڕی، ترسمان لێی نەبێت، ئەگەرنا پێویستە زۆر ورد بیتەوەو چەند جار لە چەند لایەنەوە ئەو خواردنە لە فلتەر بدەیت هەتا لێی دڵنیابیتەوە.