گرنگە توێژینەوە زانستیە كاتیەكان نەكەینە بەڵگە بەسەر بەرنامەی خۆراكی پێغەمبەرەوە (صلی الله علیە وسلم)، چونكە توێژینەوە زانستیەكان ئاستی حەقیقەتیان رێژەییە و زۆرجار بە تێپەڕبوونی كات توێژینەوەیەكی نوێ بەرپەرچی توێژینەوەكانی پێشوو دەدەنەوە، ئەمڕۆ دەڵێن خواردنی فلآنە شت باشە، سبەینێ دەڵێن خراپە، بەڵام ئەوەی پێغەمبەر (صلی الله علیە وسلم) فەرموویەتی و ئەنجامی داوە حەقیقەتی تەواوەو گۆڕانی بەسەردا نایەت، چونكە رێنمایی لە پەروەردگارەوە وەرگرتووە، بە پێی توێژینەوە زانستیەكان هەتا دوێنێ چەوری ئاژەڵی بە هۆكاری زەبحە و جەڵدەو قەڵەوی و نەخۆشی دەزانرا و چەوری گیایی گرنگی پێ دەدرا، ئەمڕۆ پێچەوانەی ئەوە باس لەوە دەكرێت چەوری ئاژەڵی باشترە لە چەوری رووەكی.