ئێمە پێمان وايە پەنابردن بۆ سيستمى تەندروستيى پێغەمبەرى خوا (صلى الله عليه وسلم) بۆ تاكى موسڵمان و ناموسڵمانيش، چارەيەكى زۆر رەوايە بۆ دەربازبوون لەم حاڵەتە و گەيشتن بە ئاستێكى بەرزى تەندروستيى، بۆيە بيرمان لەوە كردەوە توێژينەوەيەكى ورد لەم بارەوە ئەنجام بدەين و بگەينە ئاكامێك، چونكە پێمان وايە كەسێك خواى گەورە بە پێشەنگى چاك وەسفيى بكات، تەنها لە بوارێكى دياريكراودا نەكراوە بە پێشەنگ و دەكرێت لە سيستمى تەندروستيشدا بە هەمان شێوە تەماشاى بكەين و شوێنى بكەوين، لەم سۆنگەوە دەستمان برد بۆ نووسينى ئەم كتێبە.

لە ژيانى خۆشەويستمانەوە تێدەگەين، هەندێ هەنگاو هەن بۆ پاراستنى تەندروستيمان، ئەوانە واجبن و نابێت بە هیچ جۆرێک کەمتەرخەمییان تێدا بکەین، هەندێ هەنگاوی تریش هەن سوننەتن، ئەمانە بۆ دڵنیایی زیاتر و خۆبەهێزکردنن، حەیفە ئادەميزاد سوودیان لێ وەرنەگرێت، هەندێ هەنگاویش هەن حەرامن و ئادەميزاد نزیکیان ببێتەوە دڵی نەخۆش دەکەوێت، هەندێ هەنگاویش هەن مەکروهن و باش نیە نزیکیان ببینەوە، چونکە زیانی لاوەکییان دەبێت و کەڵەکەبوونی زیانە بچووکەکانیش زیانی گەورەی لێ دەکەوێتەوە.

ئەم هەنگاوانە لەلایەن خوای گەورەوە بۆمان دانراون و لەلایەن پێغەمبەری خواوە (صلی الله علیە وسلم) بۆمان روونکراونەتەوە، (وَمَا آَتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا وَاتَّقُوا اللَّهَ إِنَّ اللَّهَ شَدِيدُ الْعِقَابِ) (الحشر: 7)، (وە هەرچی پەیامبەر پێیدان وەری بگرن، واتە: بەچی فەرمانی پێکردن بیکەن چ لەم دەستکەوتەداو، چ لەهەر شتێکی تردا جێبەجێی بکەن. وە رێیشی لە هەر شتێ لێگرتن، ئێوەش دەستی لێهەڵگرن و خۆتان لە خەشم و غەزەبی خوا بپاێزن بە جێبەجێکردنی فەرمانەکانیی و وازهێنان لە قەەغەکراوەکانی، بەڕاستیی خوا سەخت تۆڵە دەكاتەوە).

دەبێت هەتا دەتوانین شوێن پێی پێغەمبەر () بگرینەبەر، چونکە چاکترین پێشەنگی رێیە (لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الْآَخِرَ وَذَكَرَ اللَّهَ كَثِيرًا  ) (الأحزاب: 21) (بەڕاستیی پەیامبەری خوا چاکترین نموونەی ڕێک و پێکیی و سەر مەشقە بۆتان، دەسا ئێوەش لە دڵسۆزیی و سیاسەتیی و جیهادیی و ئارامیی و تەقوایی و تەواوی بوارەکانی ژیاندا چاوی لێبکەن و بە دوایدا بچن، بەتایبەتی بۆ ئەوکەسە، کە بە تەمای خواو رۆژی دواییە، یادی خواش زۆر دەکا).